شباب زي أي شباب في الشارع

بسم الله الرحمن الرحيم

إزيكوا يا بناتيت

أنا عاملة موضوع نتقاش فيه وكل واحدة تقول رأيها

لإن كل اللي أنا بناقشهم فيالموضوع ده بيطلعني معقدة ومتزمتة ومستشيخة و....إلخ

والموضوع ده بيتكلم عن الإختطلات
الإختلاط بالأقارب الولاد

يعني ابن الخالة ابن العمة ابن الخال ابن العم

أنا لقيت إن كل البنات اللي أعرفهم في المدرسة (إلا من رحم ربي)بيقعدوا عادي جدا مع

قرايبهم الصبيان وأنا دلوقتي عاوزة أكلم البنت المحجبة لإن معنى إن هي محجبة يعني ملتزمة

بكلام ربنا وبتسمع كلامه طييب بما إنك محجبة إزاي تقعدي معاهم وهم مش محارمك

والمحرم هو من لا يجوز له الزواج بها

يعني الأخ أو الأب أو الخال أو العم أو خال الأم أو الجد أو ...أو...إلخ

وقرايبك الصبيان من حقهم يتجوزوكي يعني هم مش محارم وا ينفع تشبهيهم بالإخوة إلا إن هما إخوات في الإسلام

والدليل على كده قول الله تعالى ( ولا يبدين زينتهن إلا لبعولتهن أو آبائهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن .. ) سورة النور/31

ما قلشفي الآية عادي ولاد الخالة والعمة والعم ...إلخ

وفي كلمة مشهورة أوي وعلى لسان كل البنات

ده زي أخويا
زي أخوكي؟؟

نفرض جه واتقدملك هتقوليلو لا يجوز شرعا جواز الأخ بأخته

طييب سيبك من إن هو يتقدملك هسألك سؤال

إنتي محجبة قدامه ليه ؟

إنتي بتتحجبي قدام أخوكي؟؟

ولما هو زي أخوكي ومتربيين مع بعض

ليه سعات بنلاقي إن بنت متجوزة ابن خالتها أو ابن عمها

استحالة تقعدي مع شاب وبنت يتكلموا ويهزروا مع بعض وهم مش إخوات إلا ويحصل ما

بينهم إعجاب أو ميل تجاه الآخر لإن ده ميل فطري ربنا خلقنا بيه

ومش معنى إن هو قريبك يبقى مفيش إعجاب

لأ في قرايب كتيييييييير أعجبوا ببعض وحبوا بعض واتجوزوا

ده أنا لو قلتلك علي صوتك واضحكي في الشارع هتقولي عييب اشمعنى عيبع الناس في

الشارع ومش عيب على قرايبك الصبيان

هم زييهم زي أي شباب في الشارع

نفترض إن واحد من قرايبك اتقدملك واتجوزتو استحالة لو عنده غيرة يقعدك مع إخواته

الولاد عشان هو كان في يوم من الأيام زي أخوكي وأعجب بيكي وأعجبتي بيه يبقى أكيد

الباقيين برده ممكن يعجبوا بيكي

البنات الأيام دي عندها كلام غريب

يعني ممكن تلاقي

بنت بتكلم راجل كبيير وبتضحك معاه وتهزر وتقول ده زي أبويا

وواحدة تكلم ولد أكبر منها تقول ده زي أخويا الكبير

ولو أصغر منها ده زيي أخويا الصغير

ياترى زوجك هيبقى زي مييييييين ؟؟

الواحد بقى مش عارف راسه من رجليه

إنتي ليه بتعاملي الناس بالبراءة دي ؟؟؟

قرايبك الولاد دول ممكن بيفكروا فيكي تفكير وحش تماما وانتي بريئة

وانتي ممكن تتغير فكرتك عن انهم إخواتك وتعجبي بحد فيهم

ليه متعمليش سد للذرائع؟؟؟

طييب لو كنتي بتحبي ابن حد من قرايبك

ولقتيه ان هو بيضحك مع قرايبه البنات ويهزر مع إخواتك البنات كمان

هتحسي بإيه؟؟؟؟؟؟

أكيد هتغيري عليه من إخوات نفسهم وده الدليل إن إنتوا عمركوا ما هتبقوا إخوات أبدا

واحدة هتقوللي بس أنا بقعد معاهم بالحجاب ومش بسلم بالإيد

ومين قاللك ان الشعر والإيد هم بس اللي فتنة؟؟؟

صوتك فتنة

وضحكك وهزارك فتنة

ده كفاية قعادك معاهم من غير ضرورة حتى في وجود مامتك مينفعش

ده كان بالنسبة للبنت المحجبة

أما بقى البنت المحجبة اللي بتقلع الحجاب قدامهم

إيه الثقة دي يا بنتي ؟؟؟

وتلاقيها قاعدة براحتها خااااااالص أكنها مع إخواتها

يعني ماشية في الشارع مش مبينة ولا شعرة والناس يقولوا بنت محترمة وبعد ده تقلعيها

قدامهم

دا حتى قرايبك الولاد لما يشوفوا كده هيحسوا ان بتنقصي من رجولتهم

يعني اللي في الشارع رجال وهم لأ

دي إهانة وربنا

والمفروض الكلام الي ما بينك وما بين قرايبك الواد في الضرورة فقط أو مثلا قابلتيه

عالسلم ممكن سلام أو رديتي بالصدفة ع التليفون بتاع البيت برده سلام وطبعا من غير

دلع وضحك وهزار ومياصة وكده ...

في بقى ماشاكل بتواجه البنت اللي مش عاوزة تختطلت بيهم زي إيه ؟ظ

مثلا:واحد بتضطر تختلط بيهم عشان جدتها بتعزم العيلة كلها ولازم تروح عشا متبقاش

معقدة ومتزمتة

هقولك إن الموضوع ده محتاج قوة إيمان ومحتاج إنك تبقي مقتنعة من جواكي إن ده فعلا

حرام وبيغضب ربنا

إنتي لو متجوز وجدتك عزمتك وعارفة إن جوزك مش بيحبك تختلطي معاهم مش هتحبي

تغضبي جوزك ومش هتروحي العزومة

للدرجة دي إغضاب الزوج أعظم من إغضاب ربنا

للدرجة دي هان عليكي غضب ربنا
هتقوللي لا طبها أنا مش عاوزة أغضب ربنا

يبقى لازم تسمعي كلامه ومتقعديش إلا مع محارمك

افرضي مامتك أجبرتك لازم تيجي وإنتي مش عارفة تقنيعيها

يبقى هتقعدي ساكتة ومحترمة مش بتهزري ومش بتتكمي إلا في المفيد أكيد هيقولوا

عليكي رخمة

يبقى الأحسن أقعدي في بيتك وما تروحيش

أما لو شخصيتك قوية اقنعي مامتك إن ده حرام وغلط لإنها على طول هتبقى فكرة إن ولاد

أختها أو ولاد أخوها دول ملايكة نازلة من السما ومش زي الشباب اللي برة

انتي بقى اقنعيها إن هما زييهم زي أي شاب في الشارع

وبعدين أنا ماشفتش بنت إلا وتكون متعلقة بواحد من قرايبها وبتحبه أو معجبة بيه و ده

بسبب الإختلاط

وأنا عارفة إن بيبقى صعب تبقي متعودة تقعدي مع حد وفجأة متقعديش معاه بس كل ده

أهون من ذرة غضب من ربنا أنا دي كانت وجهة نظري وعاوزة أتناقش مع اللي معارضني واللي موافقني بصدر رحب

لا عندك حق

بصى يا مها اولا انتى مش معقد ولا حاجه ولا عاامله شيخه هو كلامك كلام واعى بس احنا بنبقى عاادى وانتى كمان تلاقيكى فى فتره كنتى عاادى
يعنى البنت وهى صغيرره عاادى الكلام ده ومفيش حاجه فى عقل البنت بس بعد كده خلاص بقى بنفتكرر اللعب وبنقعد نضحك عليه ...

الصرراحه
موضووع محير اووى وكان لازم طررحه من زماان
بس مش عاارفه دلوقتى انتىمعظم كلامك صح بس انا بقعد قدام
الا قدى بشعرى عاادى لانهم بيدخلووا فجأه
وبس الكبار لا
بس بقى لما باجى التسليم
يعنى لما الا قدى بيجى يسلم علياا
ما فيش سلام اوووى يدوبق كده يعنى مش سلام سلام
بس ما فيش اعجاب ولا حاجه هو اكييد بيحصل الكلام ده فى عائلات تانيه
بس حكااية الا انتى تقولى لمامتك او باباكى الموصضوع ده انه حررام اكيد هيفتكروا ان فى اعجاب او حاجه زى كده
وحكاية السلام دى انا عاارفه انها حررام بس لما حد بيمد ايده بتكسف انى ما اسلمش
ولو ما سلمتش مش هتترحمى من نظرات من حولك
بس طالما الانسان نايت كويسه ومافيش حاجه كده ولا كده
يعنى
هووو مووووضوووع محييير

مها انا بعثت لك طلب صداقه ياريت تبلى

موضوع مميز

يستحق التقييم

طرح جديد اول مره اشووفه يا تره من اجتهادك الشخصى ولا كعاتنا ملطوش هههههههه
يعنى مش متفقه معااى فى نقاط كثيره
وحرية الرأى مكفووله

هههههه انا كممان بعثت لكى طلب صدااقه ياريت تقبلى وما تخلى الخلاف
ما بينااا يأثرر ع طلب الصداقه
خخخخخخ
شكل موضووعك جاب لك طلبات صداقه كتير

لا بقى مش زى اى شباب بالشاارع ع ما اظن كده

بس اهاا يعنى انتى معظم كلامك صح بس

انا ما فكررت كده قبل كده

وانا ما قتش فاهم حااجه يا نصه

دايخه فى عالم بايخ

تسلمييين

محبة سجى حماد كتب:: لا عندك حق

منورة يا حبيبتي

سارونه كتب:: بصى يا مها اولا انتى مش معقد ولا حاجه ولا عاامله شيخه هو كلامك كلام واعى بس احنا بنبقى عاادى وانتى كمان تلاقيكى فى فتره كنتى عاادى
يعنى البنت وهى صغيرره عاادى الكلام ده ومفيش حاجه فى عقل البنت بس بعد كده خلاص بقى بنفتكرر اللعب وبنقعد نضحك عليه ...

ممكن تكلمهم لحد ما تبلغ بعد البلوغ البنت بتبقى فاهمة كل حاجة
ومنورة موضوعي يا جميل

الفتاه المسلمه كتب:: الصرراحه
موضووع محير اووى وكان لازم طررحه من زماان
بس مش عاارفه دلوقتى انتىمعظم كلامك صح بس انا بقعد قدام
الا قدى بشعرى عاادى لانهم بيدخلووا فجأه
وبس الكبار لا
بس بقى لما باجى التسليم
يعنى لما الا قدى بيجى يسلم علياا
ما فيش سلام اوووى يدوبق كده يعنى مش سلام سلام
بس ما فيش اعجاب ولا حاجه هو اكييد بيحصل الكلام ده فى عائلات تانيه
بس حكااية الا انتى تقولى لمامتك او باباكى الموصضوع ده انه حررام اكيد هيفتكروا ان فى اعجاب او حاجه زى كده
وحكاية السلام دى انا عاارفه انها حررام بس لما حد بيمد ايده بتكسف انى ما اسلمش
ولو ما سلمتش مش هتترحمى من نظرات من حولك
بس طالما الانسان نايت كويسه ومافيش حاجه كده ولا كده
يعنى
هووو مووووضوووع محييير

يا ماعة الموضوع مش محير ولا حاجة احنا كلنا اكيد متفقين ان الاختلاط حرام وانا عاوزة اولكم ان حتى الاختلاط بقرايبك البيان يعتبر من الاختلاط الحرام
ومنورة الموضوع يا حبيبيت

الفتاه المسلمه كتب:: مها انا بعثت لك طلب صداقه ياريت تبلى

انا قبلته يا حبيبتي

Admin كتب:: موضوع مميز

يستحق التقييم

متشكرة اوي على الرد يا حبيبتي
منورة

مصريه والعيون عسليه كتب:: طرح جديد اول مره اشووفه يا تره من اجتهادك الشخصى ولا كعاتنا ملطوش هههههههه
يعنى مش متفقه معااى فى نقاط كثيره
وحرية الرأى مكفووله

لا وربنا من اجتهادي الشخصي مش ملطوش
بس حاولي تتمعني فيالموضوع وهتلاقي ان كلامي منطقي بس احنا اللي بنكابرر
ومنورة يا قمر

مصريه والعيون عسليه كتب:: هههههه انا كممان بعثت لكى طلب صدااقه ياريت تقبلى وما تخلى الخلاف
ما بينااا يأثرر ع طلب الصداقه
خخخخخخ
شكل موضووعك جاب لك طلبات صداقه كتير

انا قبلته يا حبيبتي
واختلاف الراي لا يفسد في البطاطس صينية هههههههههههههههه

دايخه فى عالم بايخ كتب:: لا بقى مش زى اى شباب بالشاارع ع ما اظن كده

بس اهاا يعنى انتى معظم كلامك صح بس

انا ما فكررت كده قبل كده

وانا ما قتش فاهم حااجه يا نصه

دايخه فى عالم بايخ

لا زي اي شباب في الشارع طالما يقدروا يتجوزوكي ومش محارم ليكي
ومنورة يا حبيبيت

» واحده عانس ماشيه في الشارع