حبيبي بيغير عليا

السلام عليكم ورحمة الله وبركاته

هبدأ كلامي بمشهد

أكشن

مريم:إده اللي انتي لبساه ده يا بت يا يارا.
يارا:ماله؟
مريم:يا بنتي اللي خلاكي تلبسي الحجاب دا خنقة.
يارا:أنا لبسته عشان حبيبي بيغير عليا.
مريم:إيه ده قولي كده من الأول يا بختيكي عندك حبيب بيحبك وبيغير عليكي.
يارا:إنتي كمان عندك.
مريم:لأ أنا محصلش ان حد قبل كده حبني وغار عليا زييك كده.
يارا:إزااااااااااااااي كلنا لينا رب بيحبنا.
.................................................. .................................................. ........
شفتوا البت مريم اللي مكنتش حاسة ان في عظيم بيحبها وبيغير عليها والدليل على كده:
عن أبي هريرة _ رضي الله عنه_ عن النبي صلي الله عليه وسلم قال: (( إن الله تعالى يغار، وغيرة الله تعالى إن يأتي المؤمن ما حرم الله عليه))([100]) متفق عليه. والغيرة: بفتح الغين واصلها: الأنفة.
ربنا بيحبك من يوم ما خلقك متقوليش لا بيكرهني عشان انا وحشة وبعمل معاصي كتير
الأم لما تخلف بتحب عيالها ولما ابنها يغلط بتزعل منه ولما يعتذر لها بتسامحه
دا الأم تجاه ابنها
مابالك بالغفور الرحيم تجاه عبده
بيحبك من أول ما خلقك بس إنتي الي مسمعتيش كلامه وتكبرتي ومعتذرتيش
طييب إنتي ممكن تكوني بتحبي واحد بإخلاص وهو بيحبك بس للأسف حب مش صافي
بمعنى إن هو بيحبك وبيحب تمشي معاه عشان يتباها بجمالك قدام صحابه
ويقولوا دا واد لعيب وبيعرف يختار أو بيحبك عشان يتفرج عليكي
وعشان كده أي واحد بيحبك ومخليكي تمشي معاه بالمحزق والملزق اعرفي إن الحب ده وراه حاجة مش كويسة
أما اللي عايزك محتشمة وبيغير عليكي هو ده الي بيحبك بجد وهو ده اللي يبين لك قد إيه ربنا بيحبك
لأن هو الأول اللي غار عليكي من الشباب اللي قلوبهم مريضة
وفرض عليكي الحجاب المحتشم والدليل على كده قال الله تعالى:

]يَا
أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ
الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى
أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا
مش حجاب نص كم
جسمك كله متفصل وتقولي انا محجبة لا يا حبيبتي استحالة واحد بيفهم يمشيكي بالمنظر ده
وغير كده احسبي معايا السيئات ال يبتخديها من لبسك ده:
1-وقوفك قدام المرايا بتظبتي لبسك الضيق ومكياجك وبرفانك ونيتك مش صافية.
2-شوفي كام شاب بصلك وبسببك عمل الحرام متقوليش هو اللي مش محترم هو آه عليه غلط ان هو مغضش البصر بس انتي اللي لفتي نظره.
3-شوفي كام بنت شافت لبسك ومكياجك وأعجبت بيكي وعملت زييك.
وعلى فكرة هم برده بياخدوا ذنوب بس مين السبب؟؟؟
إنتي!!!
تحبي يوم القيامة ربنا يقول لهم ليه عصيتموني يروحوا قايلين إن إنتي السبب
أكيد متحبيش كده
أوعي تكوني سبب في معصية حد
كفاية ذنوبنا
إحنا مش هنتحمل ذنوب غيرنا كمان
إياكي في مرة بنت محجبة جديد تقوليلها شكلك أحلى من غير الحجاب أو شكلك عجوز بالحجاب بسببك ممكن تقلعه
إياكي بنت تكون عاوزة تتنقب تقوليلها:
يا شيخة كفاية الحجاب كفاية خنقة بقا وأصلا النقاب مش فرض
النقاب مش فرض؟؟؟؟

طييب افرضي طلع فرض تخدي ذنبها ليه وتفتي ليه بكده أساسا

حاولي لما حد يقولك إن هو ناوي يعمل حاجة خير تشجعيه وهتخدي ثواب على تشجيعك له

وعاوزة أقول حاجة للأهل برده

مش معنى إن إنتي سيبة بنتك تلبس اللي عيزاه إن إنتي كده بتحبيها

دي هي لما تكبر وتعرف الصح هتزعل منك أوي

لو بتحبيها حافظي عليها وخافي عليها من النار وممكن بسببها إنتي تخشي النار والعياذ بالله

بالذات الحجاب واللبس المحترم مش تقولك لما اقتنع هي بتكون مقتنعة 100% بس بتتحايل على نفسها الآية مكتوبة في القرآن واضحة وصريحة

ومتقعوش في الغلط اللي
وقع فيه أهالي كتير إنكوا تخلوا البنت تلبس الأول بنطلون مع العباية وبعد
كده جيبة وبعد كده عباية استحالة هتلبس العباية بعد كل ده

مش هو ده الصح

المفروض تبدأ تتعود على اللبس المحترم وبعد كده الطرحة عشان يبقى حجاب كامل

لما كنت في السعودية كانوا البنات الصغيرة بتتعود الأول على لبس العباية وبعد كده الطرحة

مش العكس اللي بيحصل عندنا

ومش بقول الحجاب على البنت الصغيرة الحجاب فرض على البنات اللي بلغوا

وأخيرا أحب أقولك اسمعي كلام ربنا اللي بيحبك وبيغير عليكي
عشانك إنتي ولمصلحتك إنتي
ومخليكي جوهرة مصونة
...تم...

بنااااااااااااااااات إيه رأيكوا في أسلوبي أنا ده أول موضوع أكتبه من دماغي
أنفع ولا أعتزل الفن